افضل انواع الطراريد بالعالم

بوريكم افضل طراريد بالعالم يمكن ناس وايد مغترين بالضاعن والروضان الي لي كبرت المويه بالضربه اطب على بطنك الجن:

1-سي كات(مصمم لارتفاع موج 42قدم)

2-وندي(ارتفاع الموج 34قدم)

طبعا هذي الطراريد بالكويت مالها وكيل تنياب طلبية عن طريق شركة سماري اسعار القرف تتراوح بين 28 الي 35 الف لكن سعرهم فيهم

محادق السيف

بعطيكم بعض اماكن حداق السيف معني ما افضل حداق السيف افضل اماكن الحداق نبدي من الجنوب :

منطقة الاضباعية سيف قصر الحميضية طبعا المكان ممنوع الا الي عنده شالية اهناك المكان يتميز بحد صخري وراه جفه غزيره واهو صاير مثل حوض صاد حق السمج واحن اسمجه فيه الاسبيطي بس يبيله حمل وصبر اشوي طبعا ماكو جم كلش اهناك بس باذيك اليريور كل ذيبه تقول الزود عندي وبما انه المنطقة مفتوحه على الخليج العربي شوف الهوام فيه انا شخصيا مليت من صيد السبيطيه والشعوم والجنعد والي يساعد الماية وايد صافيه ومشاالله ميافرها فيها خير من هوامير وفسكر والي عنده طراد بعد اشخط حق الجنعد والدويلميه احسن ييمه لهلمكان الصلاخه او المنجوسه الحيه وتلقى الاسبيطيه طبعا حداقه صيف واشتى ما تفرق لانه المكان غزير فعادي تعبر فيه الاسمجه.

عقبه اسياف الفنطاس وابو الحصاني ورا مطعم وادي العيون قبل ومكان نادي الحرس الوطني الحين فيهم خير م بس زهب ربيانتك وقعد وطبعا حداق السيف مو مثل الطراد الاسمجه حاضره لء انت وحظك والصيد ارزاق واحسن ماية حق الحداق الرشه او السجي واخر الثبر مع الوقفه.

بعدين عندك سيف فندق ساس الي فيه البوم العود اهناك مكان الشعري والقرقفان والبكو عموم سمجة جنوب .

والي بعدة اسكلة المركز العلمي او عندك صوب الثروه السمكيه يم راس السالمية دخلة الدردور الماية حامية بس فيها خير من شيم ونويبي ومرات بواليل وللعلم هالمكان حسب اخر اتلدراسات انه معبر لكل انواع السمج بالعالم الكبيره في شهر سته مثل سمكة الشمس والحوث الابيض وباجي الهوام

بعدين عندكم صوب راس عيوزه وفي بعض الناس اسمونه حد ام حلييج الي اهو عند ابراج الكويت حق الشعم والنويبي

وبعدها سيف ام الغاز الي مقابل مطعم ميس الغانم افضل اماكن صيد الشعم الاصفر والقرقفان والينم واحسن ييمه الشريب طبعا معدقه ماية الثبر كلها بعكس باجي محادق السيف مرات اصير فيه سبيطي.

وبعدين اروووح صوب محادق شويخ الي صوب مستشفى الولاده والمنطقه الحرة الي اهو يعتبر الحيشان والكل اعرف شنو الحيشان وسمجته.

وعندك بعد شاليهات الدوحه وبحر الخويسات وهل المكان صيد سمج وحق الرماية معبر بط ما يبيله الخضاري والشرشيري بس درباكم من الشرطه.

هذي افضل اماكن حسب خبرتي بالبحر واشكركم

موقع الرياضات البحريه الاول بالشرق الاوسط

www.garooh.com

خريطة الكويت تبين المناطق البحريه من الجنوب لين الشمال

انواع السمك بالخليج ماعدا البلطي

محادق الشتوية شمال الكويت

انا شمال الكويت الي اهية محادق الجون اولها الدفان والدفان منطقه كبيره تبدي من من مصفاة الصبيه لين اطراف رشدان مرورا بمزارع الاسماك تمتاز الدفان بالارضية الطينة الدافئة شتاء ووفرة الصيد فيها وتعبر اسماكها اسماك عبور اي كمراعي للاسماك واكثر انواع الاسماك فيها النويبي والشيم والنقرور الابيض وليس الزياني مع السبيطي والشعم الازرق الشتوي واشهر قطعها المحروقه والطبعانه ام الاصياخ رق المداخن والمزارع واخيرا البويه البرقه وهي بخلاف الحيشان بالحداق حيث انه الصيد فيها يعتمد على الخيوط الصغيره التي لا تتجاوز 50 لان لا يوجد بها ميافر تلحف عليها الاسمجه وافضل ييمه للسبيطي والشعم فيها المصير(امعاء الدجاج) ويستخدم ايضا ميدار صغير الحجم نسبيا لانه الاسبيطي والشعم لا بفتح فمه كثيرا بالبرد اهل البحر اعرفون وقت الحمل تروح الرق والفساد بالغزر وذلك حسب التيارات المائيه اما النويبي يستخم له الخثاق (الحبار)ويقطع بطيرقة القراط ويستخم ميدار 0\3 لكبر فم النويبي والنويبي بعكس السبيطي يجب لشطه حتى لا يشرم والشيم يفرق بصيدة عن كافة انواع سمك الجون حيث يستخدم الرداع المسيم والمدور بو ثلاث روس وطعمه الرئيسي الزومرور ويفضل محاياة وذلك لانه الشيمه عندها سنين شديدين الحده في منطقة الاشداق واحجام الشيم عادة ماتكون كبيره تتجاوز المتر هناك بض الامثال الكويتيه تطلق على سمكة الشيم(الشيم ماكول الحشيم)لشدة لذة لحمة وطراوته وندرة صيده وهناك اسماك اخرى مثل الضلعة والسكن والناجوج ويعرفونه اصحاب المشابك حيث يستخدم الناجوج كطعم للمشبك لقساوة لحمه ومنطقة الدفان تختلف اعماقها عن الحيشان حيث فيها ممرات للسفن الذاهبة لميناء الدوحه والدفان منطقة كشاف يرتفع فيها الموج بطريقه كبيره بسبب العمق (اتمنى هالمعلومات تفيدكم)

اخر اخبار الصيد بالحيشان

طبعا هالمعلومات حسب خبره اكثر من 30 سنه بصيده نبدي باماكن صيد السبيطي المشهوره:
الحيشان واهو اكثر مكان يتواجد فيه السبيطي وذلك لعدة اسباب:
1_المياه ضحلة وكثرة المرعى خاصه وان الحيشان مثل الحوض العمق فيه بس بالنص لانه بالاول كان مشروع ممر مائي وتكنسل نياشينه الشيبين الاحمر والاخضر الي عدال ان النمل وحدود الحيشان تبدي من بعد الاحدبه لين اطراف سر الدوحه الي من البر احده المدينه الترفيهيه مرورا بالميناء مال شويخ والمستشفيات الصباح وغيره طبعا الحيشان فيه الطينه وفيه الاقواع افضل اقواعه الي مقابل المينا مكان صف الكنتيرنات وبالحمل اتروح لين اخر الرق بعمق 2 لين 3 قدم وكل ما ارتفعت المايه تنزل بالرق تلحق الاسمجه اكثر انواع السمج الي فيه السبيطي والشعم والقرقفان وافضل ييمه لهل المكان السلس والحسوم والزوريه الصغيره وطرق الشك تفرق من شخص وثاني بس السبيطي بما انه اهاجم الييمه من الراس فافضل شكه شكة الميبر حيث انه ادخل الميبر من ذيل الاسمه وطلعه من حلجها بعدين اتردع الميدار ويفضل اكون صفر 3 بعدين اتشد الخيط وماتخلي الا راس الميدار بره حيث انه اتصر جنه الاسمجه طايحه برحها ولي ضرب الميدار يلشط نفسه
واحسن خيط له مقاس 45 بس يتطلب حرفنه لانه معروف السبيطي بذكاءه لي ضرب ما يلشط الخيط حاله حال باجي السمج الا يتخلى الخيط لانه الاسبيطي يطفح بعدين يرجع مع مجرى الخيط وبهالحاله تسحبه وكل واحد شطارته السبيطي يفضل اتزهبله اليزه لانه من اشم الهوا اقصه